Addysg Uwch – Cyffredinol: Gweminarau Llais y Myfyrwyr – Llety a Lleoliad Gyda Dafydd Morse & Elen Roach o Brifysgol Aberystwyth

Cyfres o weminarau sy’n canolbwyntio ar yr hyn sydd i ddisgwyl yn ystod eich cyfnod fel myfyriwr. Bydd y weminarau yma’n ymdrin ag ystod eang o bynciau, gan ddarparu mewnwelediad clir i brofiad myfyrwyr yn Aberystwyth. Byddwch yn clywed barn myfyrwyr presennol ac yn derbyn rhywfaint o gyngor defnyddiol ac awgrymiadau ar gyfer eich dyfodol.

Bydd y weminar yma’n canolbwyntio ar y canlynol:

• Yr amrywiaeth o opsiynau llety sydd ar gael, e.e. arlwyo vs hunanarlwyo; campws vs glan y môr, a safon y llety’n gyffredinol; cyfleusterau rhanedig, en-suite neu stiwdio.
• Costau byw a sylwadau ynghylch y manteision a’r anfanteision wrth rentu llety preifat ar ôl y flwyddyn 1af.
• Profiadau myfyrwyr sy’n byw yn llety’r Brifysgol, ynghyd â’u cyngor ar sut i gyllido a thalu rhent.
• Ystyried costau byw Aberystwyth o gymharu â lleoliadau dinasoedd mawr, a’r rhwydwaith trafnidiaeth gyhoeddus.
• Canolbwyntio ar harddwch naturiol Aber a thu hwnt. Byddwn yn tynnu sylw’r gynulleidfa at y ffaith bod Aber yn lleoliad gwych oherwydd ei bod yng nghanol y Mynyddoedd Cambrian a Bae Ceredigion sy’n darparu tirwedd drawiadol llawn bryniau, dyffrynnoedd, tywod a môr.
• Pwysleisio’r ffaith bod y dref yn un cosmopolitaidd a chyfeillgar gyda nifer o aelodau staff y Brifysgol a’r myfyrwyr yn dod o dros 100 o wledydd. Byddwn hefyd yn egluro sut mae brandiau poblogaidd y stryd fawr yn cyd-weithio gyda siopau annibynnol, caffis a’r Farchnad Ffermwyr.
• Mae digon o weithgareddau i wneud y tu mewn a thu allan i Aberystwyth. O fewn y dref ei hun, gellir mwynhau noson o gerddoriaeth byw, comedi stand-yp, noson allan llawn hwyl gyda ffrindiau, neu fynd am dro i Lyfrgell Genedlaethol Cymru. Y tu hwnt i Aberystwyth mae lleoliadau awyr agored gwych sy’n darparu mannau arbennig ar gyfer crwydro trwy goetir, cerdded i fyny bryniau neu feicio i lawr llwybrau beicio mynydd.