Addysg Uwch – Cyffredinol: Gweminarau Llais y Myfyrwyr – Chwaraeon a Chymdeithasu Gyda Robin Lovatt & Elen Roach o Brifysgol Aberystwyth

Cyfres o weminarau sy’n canolbwyntio ar yr hyn sydd i ddisgwyl yn ystod eich cyfnod fel myfyriwr. Bydd y weminarau yma’n ymdrin ag ystod eang o bynciau, gan ddarparu mewnwelediad clir i brofiad myfyrwyr yn Aberystwyth. Byddwch yn clywed barn myfyrwyr presennol ac yn derbyn rhywfaint o gyngor defnyddiol ac awgrymiadau ar gyfer eich dyfodol.

Bydd y weminar hon yn canolbwyntio ar y canlynol:

• Ysgoloriaethau Chwaraeon: Esbonio’r gwahanol fathau o Ysgoloriaethau Chwaraeon sydd ar gael.
• Byddwn yn sôn am y Ganolfan a’r Cyfleusterau Chwaraeon: Aelodaeth Blatinwm Am Ddim i’r Gampfa ar gyfer myfyrwyr sy’n byw yn llety’r Brifysgol, y cyfleusterau gwych sydd ar gael a’r buddion i iechyd meddwl a lles cyffredinol.
• Clybiau Chwaraeon a Chymdeithasau: Cyflwyniad i’r gwahanol glybiau a chymdeithasau sydd ar gael gyda rhywfaint o fewnwelediad gan Lywydd UMCA, un o gapteiniaid Y Geltaidd ac arweinydd Aelwyd Pantycelyn.
• Crybwyll yr ystod eang o gymdeithasau sydd ar gael e.e; cymdeithasau academaidd, cymdeithasau sy’n seiliedig ar sgiliau, cymdeithasau hwyliog , yn ogystal â thrafod yr opsiwn o sefydlu cymdeithas eich hun.